Capítulo 124
Canticum graduum.
1Qui confidunt in Domino, sicut mons Sion: non commovebitur in æternum, qui habitat in Jerusalem.
2Montes in circuitu ejus: et Dominus in circuitu populi sui, ex hoc nunc et usque in sæculum.
3Quia non relinquet Dominus virgam peccatorum super sortem justorum: ut non extendant justi ad iniquitatem manus suas.
4Benefac, Domine, bonis, et rectis corde.
5Declinantes autem in obligationes, adducet Dominus cum operantibus iniquitatem: pax super Israel.